The Privacy Shield

Here you will find everything that related to privacy (in Arabic)

إللى بيحصل فى مصر دلوقتى من ان الظباط يوقفوا الناس فى الشارع و يشوفوا إيميلاتهم بيحصل ﻷن بكل بساطه احنا مش زى الصين يعنى فى الصين عندهم كل حاجه متراقبه (حرفيا) فا فى الصين مثلا لو عايزين يجمعوا معلومات بكل بساطه بيروحوا لتطبيق We Chat انما هنا فى مصر علشان مافيش سيطره قوى على النت فا بيعملوا كدا يدوى بس إللى بيحصل دا بيبشر ان احنا هنبقى زى الصين قريب يعنى الأول الفيزا إللى ببلاش إللى هتخليك تجمع معلومات عن الشعب لا تقدر بثمن ﻷنك هتفهم توجهاته فا هتعرف تسيطر عليه اكتر و من الأستيكر إللى بيتركب فى العربيه إللى بيعرف مكانك فى الوقت الفعلى فا كلها كام سنه كدا و نبقى زى الصين... :3

من السهل انك تفكر ان معندكش حاجه تخفيها او بياناتك مش مهمه او انت مش مهم فا محدش هيقرب منك بس هى مش محدوده على الشركات إللى بتاخد بياناتك ﻷ دى حاجه اكبر بكتير

الخصوصيه بتمنع حريه التعبير لو الناس قادره تخفى بيانتهم على النت هما هيتكلموا بحريه من غير الخوف من العواقب يعنى مثلا فى مصر دلوقتى انت حرفيا لو قلت حاجه وحشه عن النظام يبقى انت كدا خلاص ضعت (دوس هنا علشان تعرف اكتر)

التحكم فى سمعتك ما تيجى نشوف الصين كدا ؟ هما عاملين نظام زى نقاط كل ما انت (معلش فى الكلمه) بتعرص للنظام (زى احمد موسى كدا) كل ما بتاخد نقاط و بتبقى زى تسهيلات فى مثلا و انت بتطلع رخصه فا دا بيتعمل ازاى ؟ دا بتعمل من المعلومات إللى عندهم عندك يعنى حرفيا هما بيرقابوا كل الناس هناك و كل ما انت مطيع و لطيف كدا و “بتعرص” كل ما بيجيلك تسهيلات دا عير كمان على المستوى البعيد يعنى انت كنت معارض فا معندكش نقط كتير طبعا مافيش تسهيلات و جيت تقدم لأبنك فى مدرسه نضيفه كدا فا تقدر تقولى هما هيقبلوا ابنك ولا ﻷ ؟ اكيد ﻷ فا انت مش بتأثر على نفسك و بس ﻷ و كمان اولادك او اهلك

الخطوره فى العموم قصدى هنا انت كالشخص يعنى انت ماشى ياعم مش عايز تحمى خصوصيتك و عايز تبقى “معرص” (انت حر :3) بس فكر فيها كلنا عندنا فيسبوك راجع نفسك كدا شوف كام صوره (او شوفى بما ان البنات بتحب تحط صور اكتر لنفسهم يعنى) لوشك و كام معلومه انت قولتها دا غير رقم التليفون إللى بيبقى محطوط فا فيه كميه بينات كتيره عنك فا لو حد عايز يعرف مكانك بسهوله ممكن ياخد ال “META DATA” من الصوره (دى بيانات بتبقى فى الصوره و افتراضى يعنى الصوره بيتحفظ معاها الموقع او المكان إللى الصوره اتخدت فيه) او ممكن برقم التليفون قصدى يعنى ان احنا من غير قصد بنسرب بيانات كتير اوى عن نفسنا فا حتى لو مش عايز تحمى نفسك من الشركات او الحكومات احمى نفسك من الناس إللى عايز تأذيك او الهاكرز

حقوقك طبعا بعد التسريبات لفيسبوك و جوجل و غيره طلع قانون جديد اسمه GDPR دا بيديك الحق فى: * تخلى الشركه تمسح بياناتك * تاخد نسخه من بياناتك * تقدر تطلع من خدمات الدعايه (يعنى فى الإفتراضى ان الشركه بتاخد بياناتك و تبعها لشركات الإعلان فا انت تقدر تقولهم ﻷ انا مش عايز)

بس للأسف هو فى اروبا بس يعنى لو الشركه مش اروبيه او انت مش اروبى يبقى ملهوش لازمه فا يعنى لو

___

الخلاصه الخلاصه يعنى انى اقولك حافظ على خصوصيتك يعنى علشان بياناتك متتسرقش مثلا لو شركه اتهكرت فا بياناتك هتتسرق صح ؟ او علشان اسرتك فى المستقبل فا هو علشان نفسك او اسرتك و فى الأخر القرار ليك

و فى الأخر عايزك تشوف الفيديو دا: https://www.youtube.com/watch?v=pcSlowAhvUk (فيه ترجمه عربى و مش اليوتيوب دا ناس مترجمنها فا الترجمه حلوه يعنى)